About Us
About us
Tirohanga Whanui
He Kupu Whakataki
He hinonga ā-ture motuhake te Mana Whanonga Kaipāho (te Mana) i whakatūria e te Ture Pāho 1989. Ka tuku pūrongo te Mana ki te Pāremata mā te Minita Pāho.
Ko tā mātou wawata:
Kia tōkeke tonu te whakatupu i te pāhotanga, mā ngā tāngata katoa o Aotearoa.
Ko tā mātou koromakitanga:
Ka tautoko i te pono me te rangatiratanga i roto i te pāhotanga mā te whakatau tōkeke i ngā whakapae, mā te rangahau hāngai tonu, mā te taute i te hunga whai pānga.
Ka noho ō mātou uarā, o te tōkeke, o te ngākau pono, o te whakarangatira i te tangata hei wāhi nui o ā mātou mahi, inā hoki he momo whakawā ā-kōti tā mātou mahi, ka noho hoki hei wāhi nui o tā mātou mahi whakapiki i te māramatanga o te kaipāho ki te kaiwhakarongo, tētahi ki tētahi.
Ko ā mātou whāinga poto i roto i ā mātou mahi o ia rā, he whakatau i ngā whakapae, he arotake i ngā rārangi paerewa mō ngā mahi pāho, he whakawhitiwhiti kōrero, me te rangahau i ngā paerewa pāho i roto i te horopaki pāho whānui tonu.
Ka ahu mai tana pūtea ā-tau mai i te Karauna (i te takiwā o te $600k) me tētahi utu mai i te hunga pāho (i te takiwā o te $600k)
Ngā mahi o Te Mana Whanonga Kaipāho
E whakatakotoria ana ngā mahi a te Mana i t.21 o te Ture Pāho.
Ko ētahi o aua mahi:
t.21(1) Ko te mahi a te Mana—
(a) He tūtohu me te whakatau whakapae...
…
(c) He whakamōhio i ana hatepe e pā ana ki ngā whakapae; ā,
(d) He tuku whakaaro tohutohu ki tētahi, ki ētahi kaipāho mō ngā paerewa pāhotanga me te whanonga matatika i ngā mahi pāhotanga; ā,
(e) He whakahau i te whanaketanga, me te aronga mai a ngā kaipāho, ki ngā rārangi mahi pāho e tika ana mō te momo mahi pāho e kawea ana e aua kaipāho, mō te taha ki—
(i) Te tiaki i te tamariki:
(ii) Te whakaaturanga ririhau:
(iii) Ngā hōtaka pono, tika hoki me ngā hātepe whakatikatika i ngā hē me ngā mea kāore i te tōtika:
(iv) Ngā taiepa hei kaupare i ngā whakaaturanga o te tangata e whakatenatena ana kia takahia taua tangata, kia whakahāweatia rānei tētahi wāhanga o te hapori nā runga i te ira tangata, te momo iwi, te pakeke, te tūranga hauā, te mahi rānei, nā runga rānei i te whakaaturanga whai tikanga o te whakapono hāhi, whakapono tikanga, whakapono tōrangapū ranei:
(v) Ngā tikanga whakatiki i te whakatairanga waipiro:
(vi) Te whakaatu whakatūpato hāngai e pā ana ki ngā whakaaturanga kua kōmakatia e tika ana mā ētahi kaimātakitaki motuhake:
(h) Te whakahaere rangahau, te whakaputa whakakitenga rānei e pā ana ki ngā paerewa i roto i ngā mahi pāhotanga.